عشان متنضربش على قفاك

بقلم / عمرعفيفى
~إمتى يدخل الضابط بيتك من غير إذن وميكونش غلطان ؟
س :- إيه الحالات اللى ممكن الظباط يدخلوا فيها البيوت من غير إذن تفتيش من النيابة ؟
ج :- من حق الشرطة يدخلوا فيها البيوت لو حد من أصحاب البيت طلب منهم المساعدة أو النجدة من داخل البيت 0
س :- زى إيه الحالات دى ؟
ج :- مثلا لو كان فيه حريق أو تسرب غاز أو بوتاجاز من بيت أو شق 0
س :- من حق ظباط المطافى أو المرور يعملوا قضايا للناس ؟
ج :- أيوه من حقهم لو لقوا حاجة صدفة وهم بيقوموا بشغلهم " مخدرات , سلاح مثلا " يمسكوها ويعملوا بيها محضر تلبس ويسلموه لأقرب قسم شرطة 0
س :- وإيه حالات الضرورة الأخرى ؟
ج :- يجوز للشرطة اللى ليهم سلطة الضبطية دخول البيوت لو كانوا بيتعقبوا شخص له أمر ضبط وإحضار من النيابة أو المحكمة ومطلوب القبض عليه 0
~البيوت لها حرمة وتفتيشها له قواعد وأسس 00 ولازم تعرفها0
س :- إمتى تطلع على الإجراء باطل وتتهم الظابط فى قضية تزوير محضر وتلفيق اتهام ؟
ج :- للبيوت حرمات , ولا يجوز لأى حد إنه يدخل بيت أو يفتشه إلا بأمر من النيابة العامة أو من المحكمة المختصة , ويكون أمر التفتيش مسبب , وأى حد يدخل البيت ويفتشه بدون أمر قضائى يبقى ارتكب جريمة انتهاك حرمة مسكن 0




س :- اعمل إيه لو كنت في بيتي ولقيت حد من الشرطة خبط علي الباب وعاوز يفتش بيتي ؟
ج : - لازم تتمالك نفسك ومتخفش وتتحقق الأول من شخصيته وتشوف كارنيهه وتعرف هو مين وبيشتغل أيه وفين وتطلب منه يوريك أمر التفتيش الأول قبل ما تدخله بيتك عشان يفتشه 0
س: - هل شقة المصيف اللي بيقيم فيها الشخص فترة بسيطة من الوقت كل سنة تعتبر بيت ولها نفس حرمة البيوت ؟
ج: - شقة المصيف تعتبر بيت ولها نفس حرمة البيت 0
س : - إيه هي الحالات اللي ممكن يفتشوا فيها شقتي أو بيتي ؟
ج : - لازم يكون معاهم ذن تفتيش مسبب من النيابه العامه او المحكمة المختصة 0
س : - اعمل إيه لو حد حاول يفتش بيتي بالعافيه من غير امر بالتفتيس؟
ج : - تزعق وتلم عليه الجيران والناس اللي ماشيه في الشارع تشهدهم عليه بأنه انتهك حرمة بيتك وارتكب جريمة انتهاك حرمة مسكنك وتعمله محضر علطول وتطلب النجدة علي 122 عشان تثبت حالة 0
س : - اعمل ايه لو حد طلب مني نه يفتش بيتي ومكنش معاه ذن بالتفتيش من النيابة وأحرجني ؟
ج : - لازم ترفض لأنك لو وافقت علي إنه يفتش يبقي سقط حقك في الرفض وتبقي إديته الحق في تفتيشك برضاك ، ولو فيه حاجة عندك ممنوعه " سلاح مش مترخص" مثلا تبقي حالة تلبس ومن حقه يقبض عليك ويبقي التفتيش سليم مادام وافقت عليه بمزاجك بدون إكراه او ضرب أو تهديد 0
س: - لو كان الضابط معاه إذن تفتيش ومفتحتش له ، من حقه يكسر الباب ؟
ج : الضابط لو معاه إذن بالتفتيش من حقه يكسر الباب ويفتش حتي أوضة النوم 0
س : - بنسمع إن الضباط بيفتشوا وبعدين يطلعوا اذن التفتيش ، نعمل إيه في الحالة دى ؟
ج : - تبعت علطول تلغرافات إن التفتيش تم في المكان الفرني في الوقت الفلاني 0
س : - وهو ينفع يكون إذن النيابه شفوى او في التليفون ؟
ج : - لازم يكون مكتوب ولازم يكون مكتوب فيه اسم وكيل النيابه اللي طلعه واسم المتهم أو المتهمين المطلوب تفتيشهم والسبب وتاريخ صدور الامر ، لكن فيه حالات نادرة جدا ممكن يكون الإذن شفوى
س : - وهو ممكن يصدر الآمر بالتفتيش لشخص والناس الموجودين معاه وقت التفتيش؟
ج : - أيوه ممكن
س: - وهو ينفع التفتيش بالليل؟
ج : - التفتيش ينفع في أى وقت بالليل أو بالنهار وحتي في أيام الأعياد والعطلات الرسميه 0
س : - ولوحد كان مستخبي في بيته وليه أمر ضبط واحضار يقدروا يدخلوا البيت ويفتشوه بالقوة ؟
ج : - من حقهم يدخلوا البيت ويفتشوا علي المتهم لتنفيذ الضبط والإحضار عليه 0
س : - لو فيه أمر بالتفتيش لبيت من حقهم يفتشوا الناس اللي في البيت ؟
ج : - مش من حقهم يفتشوا كل الموجودين في البيت لكن من حقهم يأمروهم بعدم التحرك ، لكن إذا قامت وقت تفتيش بيت المتهم دلائل قوية ضد شخص موجود في بيت المتهم اللي بيفتش إنه مخبي مهاه حاجه أو شىء يفيد في كشف الحقيقة يقدر وقتها اللي بيفتش أنه يفتش 0
س : - لو انا مش في البيت أو في المكتب أو المحل يقدروا يفتشوه وانا مش موجود ؟
ج : - المفروض يفتشوه في حضور حد من أهل بيتك أو من اللي شغالين عندك أو في حضور 2 شهود من قرايبك أو جيرانك ويثبتوا ده في محضر ، وممكن يفتشوه في غير وجودك أو وجود أى حد من الناس 0
س : - لو كان في البيت اللي بيتفتش مكاتيب أو أظرف مختومة ومقفولة من حقهم فتحها وتفتيشها ؟
ج : - لو كان في البيت اللي بيتفتش أوراق مختومة ومقفولة بأى طريقة مش من حقهم فتحها وتفتيشها
س : - من حق اللي بيفتش إنه يقطع المراتب والمخدات عشان يفتش جواها ؟
ج : - لو كان اللي جاى بيدور علي حاجات مينفعش بالعقل ‘نها تكون في المراتب والمخدات زى إنه يكون جاى يفتش علي مواشي مسروقة يبقي مش من حقه 0ة
س : - اعمل إيه لو كان في بيتي فلوس أو دهب وخايف تضيع وقت التفتيش؟
ج : - تبلغ الضابط اللي بيفتش إن عندك فلوس ودهب وحاجات غاليه وخايف عليها وممكن تسلمها له في إيده قبل التفتيش علشان يسلمها ل كتاني بعد التفتيش لو كانت ملهاش علاقة بالشىء اللي مطلوب التفتيش عنه 0
س : - اعمل إيه لو اكتشفت بعد التفتيش إن فيه حاجات غالية اختفت من البيت ؟
ج : - تنزل تقابل مأمور القسم وتحكي له عن الموضوع وتصمم تعمل محضر في القسم بالحاجات اللي اختفت وتعمل شكوى لمفتش الداخلية فورا َ
س : - هل من حق اللي بيفتش يكسر العفش وهو بيفتش البيت ؟
ج : - مش من حق حد يكسر اى عفش في البيت ، ولو كسروا أى حاجة في بيتك يبقوا ارتكبوا جريمة إتلاف ، ومن حقك تعمل لهم محضر إتلاف وتطلب النجدة تعاين الحاجات اللي اتلفوها بدون سبب 0
س : - هل من حق اللي بيفقتش يخذني ع القسم لو فتش وملقاش أى حاجة ممنوعة ؟
ج : - مش من حقة يخدك القسم طالما ملقاش عندك أى ممنوعات أو أى حاجة تعتبر جريمة 0

* الحالات اللي ممكن يعملوا معاك فيها " تفتيش ذاتي" اقراها كويس جدا َ*
س : - إزاى بيتم التفتيش الذاتي وبيفتشوا إيه بالضبط؟
ج : - بيقوموا بتفتيش جسم المتهم وهدومه والحاجات اللي شايلها والحاجات اللي بيستعملها ، زى عربيته الخاصة ومحله أو مكتبه الخاص 0
س : - اهمل إيه لو كنت ماشى في الشارع ومخبر من المباحث أو مندوب شرطة أو عسكرى قاللي إنت مشتبه فيك وعاوز أفتشك أو قاللي طلع اللي في جيوبك ؟
ج : - المخبر أو المندوب أو العسكرى من حقه إنه يطلب بطاقتك " تحقيق شخصية " فقط لو كنت حطيت نفسك يمزاجك في موقف شك وريبة ، 0000
س : - أعمل إيه لو كنت ماشي بالليل وكان فيه لجنة وفيها ضابط وقفني وطلب بطاقتي وحاول يفتشني أو حد من القوة اللي معاه ، أو قاللي طلع اللي في جيوبك ؟
ج : - من حقهم يشوفوا بطاقتك فقط ، وأرفض إن حد يفتشك ، وكلمهم بكل حسم ورجولة وثقة ، وعرفهم إنك عارف حقوقك كويس ، ومش من حق حد يفتشك بدون إذن من النيابة أو المحكمة أو من غير سبب طالما مفيش عليك حكم ولا طالعلك إذن تفتيش ولا ممسوك متلبس بجريمة 0
س : - تعمل إيه الشرطة لو المتهم بلع حاجة ممنوعة " مخدرات مثلا " ؟
ج : - لازم تعرضة علي طبيب مختص وهو اللي يثبت إذا كان مخبي حاجة جوه جسمه ولا لأ ، بعد مايعملوا له غسيل معدة في مستشفي حكومي 0
س : - تعمل إيه الشرطة لو كان المتهم مخبي ممنوعات في مكان حساس من جسمه ؟
ج : - لازم الشرطة تعرضه علي طبيب شرعي 0
س : - اعمل إيه لو كان طالع لي إذن تفتيش وطلبوا مني أقلع هدومي الداخليه ؟
ج : - ترفض لأن مش من حق الشرطة تقلعك هدومك لأن ده يعتبر هتك لعرضك ، ولازم نثبته وتعمل بيه محضر ، وحاول يكون معاك شهود علي اللي حصلك 0
س : - لو اللي ها يفتش واحدة ست إيه اللي يبعدها عن هتك العرض والتحرش ؟
ج: - مش شرط اللي تفتش الأنثي تكون ضابطة شرطة 00 ممكن تكون دكتورة أو ممرضة يمكن تفتيش الأنثي أمام الضابط لكن بدون خلع الهدوم لو كانت اللي هتفتش أنثي يبقي لازم اللي تفتشها انثي زيها يندبها الضابط أو النيابة أو المحكمة اللي بتجرى التفتيش 0
س : - أعمل إيه لو حد من الشرطة حاول يفتش مراتي أو بنتي أو أختي أو أمي تفتيش ذاتي أو حاول يقلعها هدومها علشان يفتشها؟
ج : - ترفض بشدة لأن ده شرفك ولازم تحافظ عليه ، والضابط أو الأمين أو أى رجل من الشرطة لو مد أيد000000؟
س : - لازم اللي تفتش الأنثي تكون ضابطة شرطة ؟
ج : - مش شرط تكون ضابطة شرطة وممكن تكون دكتورة أو ممرضة من مستشفي أو من السيدات اللي شغالين في القسم أو أى انثي يندبها الضابط للتفتيش 0
س : - ممكن الضابط يندب دكتور راجل من المستشفي علشان يفتش أنثي ؟
ج : - يكون إجراء باطلا َ لأنه لازم اللي يفتش الأنثي زيها مش راجل مهما كان الوضع 0
س : - هل من حق الرجل يفتش شنطتها بنفسه ؟
ج : - من حق الضابط يفتش شنطتها ويفتحها لو كان معاه أمر بالتفتيش أو كانت متلبسه بجناية أو بجنحه عقوبتها أكثر من 3 شهور حبس ، ولو لفي فيها أى ممنوعات أو أى حاجة حيازتها تعتبر جريمة يعملها قضية ويكون إجراؤة سليما ً
س : - ولو كانت الأنثي ماسكة حاجه في إيدها من حقه يأمرها إنها تفتح إيدها ويظبط اللي جواها ؟
ج : - من حق الضابط يأمرها بفتح إيدها ، ومن حقه يفتح إيدها بالقوة بنفسه لو رفضت تفتح يدها بمزاجها ، ولو لفي فيها أى ممنوعات يعمل لها قضية لكن مش من حقه يفتشها تفتيش ذاتي أو يفتش جسمها أو يقلعها هدومها 0
س : - هل ممكن يتم تفتيش الأنثي أمام الضابط؟
ج : - ممكن يكون شايفها وهي بتتفتش ذاتي لكن بدون ما تقلع هدومها أو ينكشف مكان من أماكن عورتها 0
س : - أعمل يه لو طلبت الأنثي اللي بتتفتش مراتي أو بنتي إنهم يخلعوا هدومهم وهي بتفتشهم قدام الضابط؟
ج : - ترفض تماما َ ، لأن دى تبقي جريمة هتك عرض لأن كشف جسم المرأة قدام الضابط 0000؟
س : - اعمل إيه لو الضابط أو ألامين فتش مراتي غصب عني وعنها بالعافيه في أماكن حساسة من جسمها تمس الشرف والحياء؟
ج : - لازم تعمله محضر هتك عرض ويكون معاك شهود ويتحبس الضابط أو الأمين بتهمة هتك عرض أنثي علاوة علي إن اى حاجة هيرقيها ملهاش أى قيمة لأن الإجراء اللي قام بيه بتفتيشه لأنثي باطل من أساسه وأى دليل ناتج من إحراء باطل يكون باطلا َ 0
س : - تعمل إيه الشطو لو كانت الأنثي مخيبة أى ممنوعات جوه جسمها في مكان حساس ؟
ج : - مش من حق أى حد من الشرطة يخرج ممنوعات من جوه جسمها أو يلمس جسمها من أساسه لكن من حقهم يرسلوها لطبيب في لأى مستشفي حكومي ويقوم الدكتور بإخراج الممنوعات بنفسه بصفته خبيرا 0

* القبض علي الناس بدون وجه حق تعرف حدود الشرطة ايه ؟؟*
القبض علي الناس بدون وجه حق
س : - تعرف حدود الشرطو إيه؟
ج : - الشرطة ليها حدود عشان تحبس حد أو تحجزه ، ولو حد منها حبس مواطن بدون أمر من القاضي أو من النيابه العامه أو مكنش في حالات التلبس يبقي ارتكب جريمة وخالف القانون ، ويتعاقب عليها بالحبس أو بالغرامة 0
س : - إيه عقوية اللي يقبض علي حد ويحجزه بدون وجه حق ؟
ج : - يتحبس أو يدفع غرامة لا تزيد علي 200 جنيه 0
س : - هل معقول تكون عقوبة القبض علي الناس وتفتيشهم وحجزهم بدون وجه حق مجرد 200 جنيه " يابلاش"؟
ج : - هو ده القانون لكن لو تم أى تعذيب بدني للمتهم أو تم تهديده بالقتل علشان يعترف بأى شىء تبقي العقوبة السجن المشدد، لكن لو مات الشخص المقبوض عليه من التعذيب يبقي اللي موته يتعاقب بعقوبة الفتل العمد 0
س : - لو اللي قبض علي طلع عامل ضابط أو لابس ملابس الشرطة ؟
ج : - تعمل له محضر علي طول في القسم أو المركزاللي حصلك فيها الموضوع ده لأنه بيكون ارتكب جناية في حقك ويتسجن 0
س: - ولو كان خد مني فلوس علشان يسيبني ؟
ج : - خد منك فلوس أو مخدش ، القبض علي الناس بانتحال صفة الشرطة جناية عقوبتها السجن المشدد ، وأكيد هيكون عيل من العيال الحرامية اللي0
س : - يعنيإيه استعمال قسوة ؟
ج : - استعمال القسوة استخدام عنف مبرر بدون دتعي علشان يؤلم الناس في شرفهم أو جسمهم مهما قلت درجته 0
س : - إيه عقوبة استعمال القسوة ؟
ج : - كل موظف أو مستخدم عمومي أمر بتعذيب متهم أو فعل ذلك بنفسه لحمله علي الاعتراف يعاقب بالسجن المشدد أو السجن من ثلاث سنوات الي عشر 0 وإذا مات المجني عليه يعاقب بالعقوبة المقررة للقتل العمد 0
س : - حتي لو ما عذبش بنفسه ؟
ج : - كل موظف أو مستخدم عمومي أمر بتعذيب متهم أو فعل ذلك بنفسه لحمله علي الاعتراف يعاقب بالسجن المشدد أو السجن من ثرث سنوات الي عشر 0 وإذا مات المجني عليه يحاكم بالعقوبة المقررة للقتل العمد0

* الكميــــــــــــن لمــــــــــن ؟ "
س : - يعني إيه كمين ؟
ج : - المفروض إن مفيش حاجة اسمها كمين للناس ، لأن الكمين بيكون للأعداء وإحنا لسنا أعداء للشرطة ، لكن اللي بنشوفه بالليل اسمه لجنة لحفظ الأمن والنظام في الشارع – واللي سماه كمين هم الحرامية وميصحش ابدا إن حد يقول إن الشرطة عاملة كمين للناس 0
س : - إيه فايدة اللجان اللي بتكون في الشوراع بالليل في كل حتة ؟
ج : - اللجان بتكون متكونة من ضابط القسم ، وضابط مرور ، وضابط مباحث ومعاهم بوكس وأمناء شرطة وعساكر لحفظ الأمن والنظام في الشارع ، لضبط المتهمين الهاربين من الحكام وأى حاجة تمس الأمن العام وضبط المخالفات المرورية 0
س : - علي أى اساس بيوقفوا الناس ويسيبوا ناس تانيه بدون توقيفهم أو حتي سؤالهم ؟
ج: - ضابط المباحث اللي في اللجنه بيكون عارف كثير من المجرمين والمسجلين في دايرة قسمه ، وبيكون باين 0000؟
س: 0 هل من حق الضابط يقبض علي شخص لمجرد عدم وجود رخصة قيادة معاه؟
ج:- عدم حمل رخصة قيادة لا تبيح للضابط القبض أو التفتيش لكن من حقه يسحب رخصة التسيير فقط بشرط تكون السيارة باسم قائدها ومعاه تحقيق شخصيته ، ويقوم الضابط بإعطائه إيصال سحب لمدة اسبوع 0
س:- ولو كان مع الشخص رخصة قيادو لكن بدون رخصة تسيير للسيارة؟
ج:- من حقهم يسألوا عن رخص التسيير ، ولو كانت السيارة بدون رخصة تسيير000؟
س:- هل من حقهم يطلبوا البطايق الشخصية؟
ج:- من حقهم يطلبوا بطايق الناس عشان يتأكدوا من شخصياتهم ولو شكوا في حد ممكن يوقفه علي جنب بدون ما يركبه البوكس أو يفتشه ويستعلموا عنه من الفسم باللاسلكي اللي معاهم إذا كان مطلوب أو عليه أحكام ولالأ0
س:- ومين اللي من حقه يطلب البطاقة أو الرخصة؟
ج:- الضابط أو أمين الشرطة والمخبر والعسكرى من حقهم يطلبوا الرخصة فقط لنوصيلها للضابط، لكن اللي من حقه يسحب التارخيص لازم يكون ضابط المرور بنفسه ويعطيك وصل بالسحب لكن مش من حق الضابط أو غيره إنه يسحب الرخص بدون وصل سحب تراخيص 0
س:- هل من حق اللجان توقيف السيدات والبنات من قائدى السيارات؟
ج:- من حقهم توقيف أى سيدة أو فتاة في اللجنة وسؤالها عن التاخيص مثل الرجال ، ولو كانت أو واحدة بدون رخصة من حقهم سحب الرخصة الثانية وإعطاءها وصل بسحب الرخصة 0
س:- هل من حق اللجنة سؤالي عن سيدة جالسة بجانبي في سيارتي وسؤالها عن بطاقتها؟
ج:- من حقه سؤالها فقط عن بطاقتها للتعرف علي شخصيتها وممكن يستعلم عنها بالجهاز من الفسم لو شكإنها مطلوبة في حكم أو عليها أمر بضبط وإحضار لأن ما فيه مجرمين ومتهمين من الرجال فيه أيضا ً متهمين ومجرمين من النساء وبيكون عليهم احكام واجبة التنفيذ عليهم 0
س:- أعمل إيه لو الضابط سألني مين اللي معاك؟
ج:- قوله بكل بساطة زوجتي أو خطيبتي أو صديقتي ومن حقس الخروج مع صديقتي في أى وقت 0
س:- هل من حقه ينزلها من سيارتي ويخدها علي جنب بعيد عني ويسألها عن أى حاجة أو يفتشها؟
ج:- مش من حقه ينزلها مطلقا ً من السيارة طالما غير مطلوبة في شىء أو معروفة لديه من قبل أو مسجلة ، وميقدرش أى ضابط مهما كانت رتبته يفتش أنثي تفتيش ذاتي حتي لو كانت متهمة في مليون قضية 0
س:- ليه بنشوف بعض اللجان بتنزل البنات من التاكسيات ويخدوهم ع القسم وخصوصا ً في شارع الهرم وجامعة الدول؟
ج:- فيه بنات كتير بيكونوا مسجلات آداب ودعارة وعليهم أحكام وبيكونوا معروفين للضباط 0
س:- اعمل ايه لو الضابط طلب مني انزل من السيارة علشان يفتشها أو طلب مني أفته الشنطة؟
ج:- مفيش حاجة اسمها تنزل من سيارتك علشان يفتشها الا لو كان معاه أمر من النيابه أو المحكمة بتفتيشك أو كنت في حالة تلبس بجريمة أو كانت ريحة السيارة تدل أن حد كان بيشرب فيها مخدرات مثلا َ ،وترفض تفتح شنطة عربيتك وتقول للضابط " افتح شنطتي ليه مادام رخصي سليمه وسيادتك شايف إني مش محل شك والعربيه ملكي وفتح الشنطة ده اسمه تفتيش وده محتاج إذن من النيابه ، وانا مش ممسوك لا في حالة تلبس ولا انا حرامي وأنا عالرف إنك راجل قانون وعارف الإجراءات كويس وعارف إنك مش ممكن تخالف القانون"
س:- ليه الضابط ساعات بينزلوا الشباب اللي راكبين في العربيات ويطلبوا منهم يقولوا "حاحا"؟
ج:- علشان يعرفوا لو كان اللي سايق شارب اى كحوليات اولا ، علشان بيكون ريحة فمه واضحة لما يقول "حاحا" ويبان إذا كان شارب كحوليات ولا لآ0
س:- ليه الضباط بيكونوا واقفين بعيد مع بعض وبيبعتوا الآمناء والعساكر تسحب الرخص؟
ج:- مش من حق الأمين أو المخبر أو العسكرى يسحب رخصك ، والأفضل تركن العربيه وتنزل للضابط بكل ذوق وتوريه الرخص وتقوله أنا عارف إن سيادتك فقط اللي من حقه يشوف رخص العربيات مش الأمين أو العسكرى 0
س:- ولو أخذني علي القسم أو ركني جنبه في الكمين؟
ج:- لازم تتصل بحد من أهلك أو محاميك وتصمم تعمل له محضر في القسم بالواقعة اللي حصلت معاك وإنك اتقبض عليك في اللجنه بدون وجه حق وتصمم علي اتخاذ اجراء مع الضابط ومتتنازلش عن حقك0
س:- من حق الضابط يركني جنبه في الكمين وقت قد إيه علشان يستعلم عني من القسم؟
ج:- وقت بسيط ميزدش عن نصف ساعة ، لأن مصالح ووقت الناس ليهم تمن ومش لعبه0
س:- لو كنا راكبين ميكروباص وفي الكمين نزلوا الناس اللي فيه عشان يفتشوهم؟
ج:- متوفقش إن حد يفتشك وترفضوا اى تفتيش ، لكن من حقهم يشوفوا البطاقات فقط ويتحروا عن اللي شاكين إن عليهماحكام أو مطلوبين في قضايا0
س:- ليه بنشوف الأمناء والضباط بيكشفوا كتف بعض الناس في اللجان؟
ج:- بيكشفوا كتف اللي بيشتبهوا فيه علشان يعرفوا اذا كان سوابق ومسجل ومختوم علي كتفه إنه مسجل خطر ولا لآ
س:- يعني إيه مسجل خطر؟
ج:- يعني شخص معتاد الإجرام واتمسك في قضايا سرقة أو بلطجو وفرض إتاوات او بيشتغل في تجارة المخدرات أو الدعارة أو فرد في عصابة 0
س:- وليه المسجل خطر بيكون الشرطة ختماه علي كتفه؟
ج:- من فترة طويلة كانت الشرطة بتختم المسجلين خطر علي كتفهم علشان تعرفهم ، والمسجلين نفسهم وأصحاب السوابق اللي متعودين علي الحبسةوالسجن بيدقوا وشم علي جسمهم وهمه موجودين في السجون 0

* تعمل إيه لو جالك بوليس البيت وقالك البيه المعاون عاوزك في القسم؟*
س:- اعمل إيه لو حد من الشرطة جالي البيت وقاللي البيه المعوان عايزك في القسم؟
ج:- مفيش حاجة اسمها البيه المعاون ف القسم، ورقة مكتوب فيها طلب حضور أو طلب استدعاء للقسم 0
س:- يعني إيه طلب حضور؟
ج:- طلب الحضور للقسم هو طلب من ضابط في القسم عشان تروح القسم سألوك في محضر حد شلكيك فيه ، أو لسؤالك عن معلوماتك في جريمة حصلت0
س:- إيه شكل ورقة طلب الحضور للقسم؟
ج:- هى ورقة طالعة من القسم مطبوعة علي نموذج وممكن تكون مكتوبة بخط اليد لمقابلة ضابط فى القسم أو فى المركز أو فى النقطة بخصوص الرد على محضر أو شكوى أو بلاغ 0

س :- طلب الحضور للقسم بيكون مختوم ولا لأ ؟
ج :- طلب الحضور دايما بيكون بدون ختم 0
س :- لازم أروح للقسم مع الشخص اللى جاب لى طلب الحضور ؟
ج :- إنت حر تروح أو متروحش فى طلب الحضور للقسم , لكن حاول تعرف إنت مطلوب فى إيه قبل متروح فى القسم فى طلب الحضور 0
س:- أعمل أيه لو اللى جابلى طلب الحضور طلب منى بطاقتى يخدها معاه عشان يضمن إنى أروح القسم ؟
ج :- مفيش حد من حقه يسحب بطاقتك أو يخدها ضمانة عشان تروح القسم وارفض تديله بطاقتك 0
س :- لو ما روحت شفى طلب الحضور , ممكن يخدونى ع القسم بالعافية ؟
ج :- ميقدرش حد يخدك فى طلب الحضور للقسم بالعافية أو يقبض عليك بالقوة 0
س :- إيه المسئوليه لو مروحتش القسم فى طلب الحضور ؟
ج :- مفيش مسئوليه عليك لو مروحتش القسم فى طلب الحضور , لكنهم هايبعتو المحضر إلى النيابة , ولو النيابة شايفة إنه لازم حضورك هتبعتلك طلب الحضور للنيابة 0
س :- أعمل إيه لو جالى طلب حضور م القسم واللى جايبه كان مصمم يخدنى معاه ؟
ج :- من حقك متروحش معاه فى نفس الوقت , لإنك تروح أو متروحش , وممكن تستلم الطلب من الشخص اللى جايب طلب الحضور للقسم , والأفضل تبعت الأول المحامى يكون معاه توكيل منك يعرف إيه الحكاية قبل متروح القسم فى طلب الحضور 0
س :- وليه أبعت المحامى ؟
ج :- علشان يعرف إنت مطلوب فى مطلوب فى إيه قبل م تروح القسم , لإنك لو رحت بنفسك القسم الصبح بدرى فى طلب الحضور وكان فيه حد شاكيك فى محضر هيخدوا أقوالك فى المحضر ويبعتوك على النيابة , لكن لو رحت القسم بالليل ممكن يبيتوك ليلة فى الحجز ويبعتوك ع النيابة تانى يوم 0
س :- المفروض أعمل إيه فى الحالة دى ؟
ج :- تبعت محامى معاه توكيل عنك يعرف إيه الموضوع ويرد بدل عنك فى المحاضر 0
س :- لازم يكون مع المحامى توكيل منى علشان يرد عنى فى المحاضر ؟
ج :- لازم يكون مع المحامى توكيل قضايا عنك علشان يقدر يعرف يرد على المحضر , لأنهم فى القسم مش هيعرفوه أى حاجة عن المحضر لو مفيش معاه توكيل 0
س :- إيه هو توكيل المحامى وبيطلع منين ؟
ج :- توكيل المحامى بيكون توكيل فى قضايا فقط , وبيطلع من أى شهر عقارى خلال ساعة 0
س :- لو حد معاه توكيل عام عنى يقدر يحضر للقسم ويرد على المحاضر بدلا منى ؟
ج :- مكنش الحد غلب , لازم يكون محامى ومعاه توكيل عنك فى القضايا فقط 0
س :- من حقى يحضر معايا المحامى فى القسم ؟
ج :- يجوز لمحاميك إنه يحضر طلب الحضور للنيابة سواء كنت متهم أو شاهد 0
فى طلب الحضور للقسم أنت حر تروح أو متروحش بس مهم تعرف إنت مطلوب فى إيه وبرضه إنت حر فى طلب الحضور للنيابة لكن لو مارحتش تقدم عذر مقبول 0
س : - أعمل إيه لو جالى طلب حضور من النيابة ؟
ج :- المفروض تروح للنيابة لو مفيش عندك عذر مقبول تقبله النيابة العامة أو ممكن تبعت محامى معاه* تفتي توكيل عنك عشان يعرف إيه الموضوع ويرد على المحاضر بدالك 0
س :- الشخص اللى بيجيب طلب الحضور للنيابة ممكن يخدنى على النيابة بالعافية ؟
ج :- مش من حقحد يخدك بالعافية أو بالقوة فى طلب حضور للنيابة 0
س :- هو بيسلمنى صورة من طلب الحضور للنيابة ؟
ج :- لازم يسلمك صورة من طلب الحضور للنيابة ويكون متحدد فيه ميعاد ومكان الحضور وهتقابل مين من أعضاء النيابة 0
س :- ايه الفرق بين طلب الحضور للقسم وطلب الحضور للنيابة وأمر الضبط والإحضار والاعلان من المحكمة بالحضور لجلسة ؟
ج:- طلب الحضور للقسم إنت حر تروح أو متروحش بس المفروض تعرف إنت في إيه قبل ماتروح لأن لو مروحتش هيبعتوا المحضر من القسم للنيابة ، أما طلب الحضور للنيابه إنت حر تروح لأو لا 0000

* تفتيش عربيتك لـــه قواعد 000 إوعي الشنطة *
س:- اعمل إيه لو كنت ماشي بعربيتي والشرطة وقفتني وطلبت افتح شنطة عربيتي؟
ج:- مش من حق الشرطة تفتش شنطة عربيتك بدون إذن تفتيش وأرفض تفتح شنطة عربيتك لأى حد مفيش معاه إذن تفتيش ليك أو لسيارتك0
س:- من حق الشرطة تفتيش صالون سيارتي الخاصة؟
ج:- مش من حق الشرطة تفتيش السيارات الخاصة بغير إذن من النيابة العامة أو من المحكمة أو في غير أحوال التلبس بجريمة أو بدون رضا أصحابها ، أو حتي فتح أبواب السيارة 0
س:- لو كنت راكب عربيتي من حقهم يفتشوها؟
ج:- مش من حقهم 0
س:- لو كنت راكب قطر أو أتوبيس من حق حد يفتشني أو يفتش شنطتي؟
ج:- من حق الشرطة يفتشوا القطر أو الاتوبيس بس مش من حد يفتشك أو يفتش شنطتك إلا بإذن من النيابه طالما كانت شنطتك معاك ، لكن لو الشنطة جانبك وسألك دى شنطتك يبقي من حق الضابط أو الأمين يفتشها علي أساس انها ملهاش صاحب 0
س:- ليه الشرطة بينزلوا الناس من الأتوبيس ويفتشوهم ويفتشوا شنطهم وهم مسافرين الغردقة أو شرم الشيخ مثلا؟
ج:- ده إجراء مش قانوني وفيه تجاوز شديد واعتداء علي حرية الناس وحرماتهم ، ولازم ترفض التفتيش إلا بإذن من النيابه أو إذا كان فيه حالة تلبس أو كنت موافق علي التفتيش بمزاجك 0
س:- لو عربيتي مقفولة وراكنها تحت البيت هل من حق حد يفتشها؟
ج:- مش من حق حد يفتشها إلا بإذن من القاضي أو من النيابة 0
س:- ولو عربيتي كانت في جراج جوه بيتي ؟
ج:- في الحالة دى لازم تفرق بين جراج تحت عمارة ممكن أى حد يدخلة يبقي من حقهم يفتشوها ، لكن لو كانت في جراج جوه بيتك يبقي لازم امر تفتيش للبيت لأن الجراج الملحق للبيت يعتبر له نفس حرمة وشروط تفتيش البيوت 0
س:- معقول حد في القسم هيوافق يعمل محضر هتك عرض ضد ضابط مباحث شغال فيه؟
ج:- لازم تتمسك بحقك ، ولو رفضوا يعملوا لك محضر تطلع علي الديرية وتقابل مفتش الداخلية وتروح تعمل له محضر في النيابة 0

* حــــد يفتشــك أو يفتش بيتـــــك*
الحريه الشخصية للناس حق طبيعي مصان لا ينس ، ولا يتم القبض ولا تفتيش ولا حبس ولا تقييد حرية الناس ومنعهم من التنقل من مكان لمكان الا بأمر من القاضي المختص أو من النيابة العامة ما عدا في حالات التلبس 0
س:- يعني إيه تفتيش ؟
ج:- التفتيش إجراء من إجراءات التحقيق اللي 0
س:- اعمل إيه لو حد قاللي إن معاه إذن بتفتيشي؟
ج:- لازم تمسك اعصابك ومتترعبش وتتمالك نفسك لمدة خمس دقائق فقط ، وتطلب تشوف إذن اللتفتيش اللي معله ولازم تتأكد من حاجات أسايه جدا َ في الإذن 0
س:- هوه الضابط هيرضي يوريني الإذن ؟
ج:- من حقك تشوف كارنيه اللي بيفتشك والإذن اللي معاه ولازم تقراه كويس جدا ،وده حقك ولازم تتمسك بيه ، ومتخليش حد يفتشك إلا بعد ما تشوف اإذن وتتأكد إنه سليم وسارى المفعول ، وميكونش الإذن باطل أو منتهي المدة
س:- من حق الشرطة تفتيش المقبوض عليه ؟
ج:- في كل الأحوال اللي يجوز فيها القبض علي المتهم بيجوز فيها تفتيشه ، لكن لو كان المقبوض عليه أنتثي لايجوز تفتيشها إلا بمعرفة أنثي زيها 0
س:- والشرطة بتكلبش اللي بيتفتش؟
ج:- من حق الشرطة تسيطر علي الشخص اللي بيتفتش وتحد من حركته وحريته بالقدر اللازم فقط علشان تقدر تقوم بالتفتيش وميعطلش اجراءات التفتيش أو يرمي حاجة أو يهرب أو يعتدى علي حد من الشطة أو الناس الموجودين في المكان 0
س:- هل بيكون منصوص في إذن التفتيش علي القبض؟
ج:- مش شرط يكون إذن التفتيش فيه امر صريح بالقبض علي المتهم المأذون بتفتيشه 0
س:- وإيه الحاجات اللي لازم اتأكد منها في إذن التفتيش؟
ج:- لازم تتأكد من حاجات أساسيه في إذن التفتيش وهي :-
1- لازم يكون الإذن مكتوب مش شفوى ويكون مبني علي تحريات جدية 0
2 – الإذن يمون عن جناية أو جنحه حصلت بالفعل مش لسه هتحصل في المستقبل 0 ويكون فيه دلايل جافيه علي إن المتهم المأذون بتفتيشه هو اللي ارتكبها 0
3- يكون الإذن صادر من النيابه المختصه أو من قاضي التحقيق المختص ويكون الإذن في دايرة اختصاصها 0
4- يكون اللي بينفذ التفتيش معاه سلطة الضبطبه وفي دايرة اختصاصه مش خارجها 0
5- لو كان الإذن طالع لتفتيش بيت لازم يكون الإذن مكتوب فيه سبب التفتيش ، وطليعة الجريمه اللي بيفتش البيت بسببها 0
6- لازم وفي اغلب الأحوال يكون الإذن مكتوب مش شفوى ومتقبلش إنه يقولك إن الإذن نسيه في القسم او هتوشوفه بعد ما يفتشك 0
يكون مكتوب فى الإ
7- لازم يكون الإذن موقع بخط يد مصدره ، وواضح فيه اسمه ووظيفته ولو كان الإذن مش موقع يبقي باطل وكأنه غير موجود من أساسه 0
8- لازم يكون الإذن واضح وصريه إنه إذن تفتيش مش مجرد سؤال متهم أو استيفاء محضر 0
9- لازم يكون محدد في الإذن الاسم الحقيقي او اسم الشهرة للشخص المطلوب تفتيشه او للأشخاص والأماكن المأذون بتفتيشها 0 ومبين فيه نوع الجريمة المطلوب التفتيش لكشفها
10- لازم يكون واضح في الإذن إيه اللي مطلوب تفتيشه بالضبط يعني مكتوب فيه لو كان مطلوب تفتيش المتهم فقط أو تفتيش المتهم وعربيته ، أو المتهم ومكتبه 0
11- لازم تشوف وقت صدور إذن التفتيش والمدة المذكورة فيه ، ولازم يكونمدة الإذن محددة مش مفتوحة علي طول ، ول كان مش مذكور وقت ويوم صدور الإذن يبقي باطل 0
12- ميكونش حد نفذ الإذن عليك قبل كده ، لأن إذن التفتيش ميصلحش للتفتيش غير لمرو واحدة فقط 0
س:- مين اللي من حقه يقوم بالتفتيش؟
ج:- من حق النيابه وقاضي التحقيق والضباط والأمناء والصولات وشيوخ الخفر ، يعني من حق الشرطو اللي ليهم سلطة الضبطبة فقط ، لكن دايما اللي بيفتشوا بيكونوا من ضباط المباحث 0
س: هل بيكون مكتوب في الإذن اسم الضابط اللي بيفتش؟
ج:- مش لازم يكون مكتوب فى الإذن اسم الضابط اللى بيفتش , ومن حق الظابط يستعين بزمايله لمساعدته فى التفتيش حتى لو كان ملهمش سلطة ضبطية , لكن لو كان الإذن طالع باسم ظابط محدد بالاسم , فلا يجوز ليه ندب غيره لتنفيذ التفتيش ما دام الإذن مش عاطيه الحق فى ندب غيره 0
س :- اللى بيقوموا بتنفيذ إذن التفتيش من الشرطة بيكونوا لابسين ميرى ولاّ ملكى ؟
ج :- ممكن يكونوا لابسين ميرى وممكن يكونوا لابسين ملكى , وممكن يكون بعضهم لابس ملكى ومعاهم ناس لابسين ميرى , ومتفرقش ميرى ولا ملكى , المهم تتأكد من شخصيتهم ويكونوا شرطة ومعاهم إذن تفتيش سليم مش نصابين وعاملين عليك ظباط وعاوزين يقشطوك ويقلبوك 0
س :- هل من حق العساكر والمخبرين ومناديب الشرطة تفتيش الناس ؟
ج :- العساكر والمخبرين ومناديب الشرطة مش من حقهم التفتيش علشان ملهمش سلطة ضبطية 0
س :- ولو كان اللى بيفتش البيت مندوب أو عسكرى لكن معاهم ظابط وكانوا هما اللى بيفتشوا مش الظابط ؟
ج :- الظابط من حقه يستعين بالناس اللى شغالين معاه فى التفتيش بشرط يتم التفتيش تحت رقابته وإشرافه , ولكن لو تم التفتيش فى غير حضور الظابط وبدون إشرافه يكون التفتيش باطل لأن مش من حق مناديب وعساكر الشرطة التفتيش لوحدهم 0
س :- هل ممكن وكيل النيابة يقوم بالتفتيش بنفسه ؟
ج :- من حق وكيل النيابة التفتيش بنفسه , لكن جرت العادة إن النيابة والمحكمة بيندبوا ظباط المباحث للتفتيش , ولو نزلت النيابة تفتش بنفسها بيكون معاهم قوة من الشرطة علشان تأمن المأمورية وتأمن المكان 0
س :- لو النيابة قامت بالتفتيش هل بيكون مع وكيل النيابة إذن التفتيش ؟
ج :- ممكن فى كتير من الأحوال بيكون معاه إذن بالتفتيش 0
س :- إيه شكل إذن التفتيش ؟
ج :- إذن التفتيش بيكون مكتوب بخط اليد وموقع من وكيل النيابة أو من قاضى التحقيق وبيكون مختوم بختم النيابة وأحيانا بيكون بدون ختم , والقانون محددش شكل معين 0
س :- وفين بيتم تنفيذ الإذن بالتفتيش ؟
ج :- بيتم تنفيذ إذن التفتيش فى أى مكان , المهم يكون فى دايرة اختصاص النيابة أو المحكمة اللى مطلعاه ودايرة اختصاص اللى بينفذه 0
س :- أعمل إيه لو الإذن بالتفتيش كانت مدته منتهيه ؟
ج :- من حقك ترفض التفتيش عشان لا يجوز التفتيش بإذن تفتيش منتهى المدة , وأى دليل ينتج عنه ملهوش أى قيمة لو كان الإذن انتهى ومتجددش لمدة تانية من النيابة والمحكمة 0
س :- هل ممكن إذن التفتيش يتجدد لمدة تانية ؟
ج :- إذن التفتيش ممكن يتجدد لمدة تانية من النيابة أو المحكمة لمدة تانية ولو تم تجديد يجوز التفتيش بيه 0
س :- إزاى بتتحسب مدة الإذن بالتفتيش ؟
ج :- يوم صدور الإذن غير محسوب من المدة , وبتتحسب مدة الإذن ابتداء من اليوم التالى لصدوره 0
س :- هل ممكن أتفتش بإذن تفتيش واحد أكتر من مرة ؟ س:-
ج :- الإذن بالتفتيش زى عود الكبريت ميصلحش للتفتيش غير لمرة واحدة فقط 0
س :- إزاى بيتم تنفيذ إذن التفتيش ؟
ج :- القانون محددش طريقة معينة لتنفيذ إذن التفتيش , وترك طريقة التفتيش لتقدير المكلف بالتفتيش , وأعطى له الحق إنه يستعين برجالته ومعاونيه فى عملية التفتيش يحيث يكونوا على مرآى منه وتحت إشرافه 0
س:- لازم اللي بيفتش يدخل من الباب ولا ممكن يدخل من أى مكان؟
ج:- من حق اللي بيفتش يدخل من أى مكان وممكن يدخل من الشابك أو من السطوح أو من البلكونة 0
س:- من حق اللي بيفتش يستخدم القوة في التفتيش؟
ج:- من حق اللي بيفتش يستخدم البقوة بالقدر المناسب علشان يسيطر علي المكان ، ويقيد حرية الشخص اللي بيفتشه من غير مايعرض حياته أو سلامته للخطر 0
س: من حق الضابط اللي بيفتش يخرج اى ممنوعات من اماكن عورة المتهم؟
ج:- يبقي ارتكب جريمة هتك عرض سواء كان المتهم اللي بيفتش راجل او انثي 0
س:- هل ضرورى يكون الشخص اللي بيتم تفتيش بيته موجود وقت تنفيذ التفتيش؟
ج،- لا َ مش لازم يكون الشخص المتهم المأذون بتفتيشه موجود وقت إجراء التفتيش 0
س:- لازم يكون إذن النيابه مع الضابط اللي بيفتش؟
ج:- في بعض الأحوال النادرة ممكن التفتيش بدون ما يكون مع الضابط اللي بيفتش ، الإذن في ايده وقت التفتيش لكن ده بيكون في أضيق نطاق ممكن ، ولازم يكون الإذن مكتوب وله أصل في أوراق القضية اللي بيتحقق فيه 0

* طلب الحضور للنيابة *
س:- إيه هو طلب الحضور للنيابة ؟
ج:- هو طلب شخص للحضور للنيابة في وقت محدد0
س:- إيه الضرر لو جاني طلب حضور للنيابه ومروحتش؟
ج،- في بعض الأحوال النادرة ممكن التفتيش بدون ما يكون مع الضابط اللي بيفتش الإذن في إيده وقت التفتيش لكن ده بيكون في أضيق نطاق ممكن ، ولازم يكون الإذن مكتوب وله أصل في أوراق القضيه اللي بيتحقق فيه 0

* طلب الحضور للنيابة *
س:0 إيه هو طلب الحضور للنيابه؟
ج:- هو طلب شخص للحضور للنيابه في وقت مححد 0
س:- إيه الضرر لو جاني طلب حضور للنيابة ومروحتش؟
ج:- مفيش مسئولية عليك لكن لو مروحتش ومقدمتش عذر تقبله النيابه يطلع لك امر ضبط وإحضار وتنفذه عليك الشرطة أو تقبض عليك المباحث ، وتوديك للنيابه مقبوض عليك 0
س:- إيه شكل ورقة طلب الحضور للنيابة ؟
ج:- دى ورقة طالعة من النيابة للحضور لمقر النيابة ، عضو من أعضاء النيباة لسؤال شخص في محضر أو الادلااء بالشهادة 0
س:- اعرف إزاى إذا كنت متهم ولا مطلوب للشهادة؟
ج،- بيكون مكتوب علي طلب الحضور إذا كنت متهم ولا شاهد 0
* فيه تفتيش اسمه باطل ومتجاوز للحدود 000 تحب تعرفه؟*
س:- يعني إيه تفتيش باطل؟
ج:- يعني تفتيش تم في غير الأحوال اللي صرح بيها القانون ، وأى دليل ينتج من تفتيش باطل مالوش أى لازمه لأن مابني علي اجراء باطل بيكون باطل ، والمحكمة بتيتبعد من أساسه أى شهادة للضابط اللي بيقوم بإجراء باطل ضد المتهم 0
س:- إيه اللي يبطل التفتيش؟
ج:- إن التفتيش يتم بعد تاريخ الإذن بالتفتيش او يكون وكيل النيابة مش موقع عليه ، أو مفيش تاريخ مكتوب عليه ، أو لو كان طالع إذن التفتيش باسم ضابط معين يبقي مينفغش غيره يعمله أو يتم التجاوز عن حدود الإذن أو كان فيه تعسف في تنفيذ التفتيش 0
س:- لو الضابط لقي الحاجة اللي حضر علشان يفتش عنها في إذن التفتيش هل من حقه يفتش عن حاجات ممنوعة تاتيه ؟
ج:- لو الضابط لقي الحاجات اللي حضر علشان ينفذ الإذن بالتفتيش عليها مش من حقه يفتش عن حاجات تانيه 0


منقول[b]